Tuisblad

Kruiskerk is ‘n gemeente binne die Christelike Geloofstradisie.

• Ons verwonder ons oor die misterie van God wat nooit onder woorde gebring kan word nie maar oor Wie en met Wie ons graag praat, in taal of in stilte.
• Ons is belê in verhoudinge eerder as strukture.
• Ons byeenkomste is meer gesprek en minder ritueel.
• Ons eer en respekteer die Christelike geloofstradisie maar wil antwoorde op vandag se lewensvrae soek.
• Ons wil die Lewe en werk van Jesus Christus in ’n nuwe idioom verstaan.
• Ons glo dat God deur Sy Gees in ons werk wanneer ons saam lees, dink en praat.
• Ons wil die waardigheid van elke mens handhaaf en opbou.
• Ons koester die verskeidenheid van mense en is dankbaar as dit in ons samestelling weerspieel word.
• Ons wil graag ’n deurleefde spiritualiteit ervaar wat gestalte kry in wat ons oral en altyd doen.

Ons Tuiste

Sentraalplein, Mead Straat 5, Pinelands

Dankie dat u ons webwerf besoek. Ons hoop dat dit vir u die besoeker en soeker na 'n groter spiritualiteit, van groot waarde sal wees. Indien u enige voorstelle het e-pos dit gerus aan ons by info@kruiskerk.co.za